Paytaxtda yaxşı ev anlayışı getdikcə dəyişir. Artıq seçim yalnız otaqların sayı, sahəsi və ya təmir səviyyəsi üzərindən aparılmır. Səhər evdən çıxarkən nəqliyyata rahat çatmaq, axşam isə şəhərin yorucu ritmindən ayrılıb sakit həyətə qayıtmaq, uşaqlar üçün təhlükəsiz məkanın, böyüklər üçün isə istirahət və gündəlik xidmətlərin yaxınlıqda olması daha çox əhəmiyyət qazanır. Green Villa Baku yaşayış konsepsiyasını məhz mənzilin qapısından kənara çıxaran və bütöv həyat mühiti yaratmağa yönələn layihə kimi təqdim olunur.

Kompleksin Avtovağzal metro stansiyasına yaxın ərazidə yerləşməsi gündəlik hərəkət baxımından ciddi rahatlıq yaradır. Bakıda məsafədən çox həmin məsafəni nə qədər rahat qət etməyin önəm daşıdığı nəzərə alınarsa, metroya və əsas nəqliyyat istiqamətlərinə əlçatanlıq yaşayış yeri seçərkən mühüm üstünlüyə çevrilir. Bu mövqe şəhərin müxtəlif nöqtələrində çalışan və təhsil alan sakinlərin gündəlik vaxt itkisinin azalmasına imkan verən amillərdəndir.

Green Villa Baku-nun fərqləndirici cəhətlərindən biri yaşayış binalarının ətrafında formalaşdırılan ümumi mühitdir. Memarlıqda müasir xətlərə üstünlük verilməsi, geniş pəncərələrdən istifadə və binaların ətrafının landşaft elementləri ilə tamamlanması kompleksə daha açıq və səliqəli görünüş verir. Məqsəd yalnız gözoxşayan fasad yaratmaq deyil, sakin evinə daxil olmamışdan əvvəl belə yaşayış rahatlığını hiss etdirən atmosfer formalaşdırmaqdır.

Burada günün boş saatlarını necə keçirmək məsələsi də yaşayış konsepsiyasının bir hissəsi kimi düşünülüb. Açıq hovuz, fitnes zalı və SPA kimi imkanlar sakinlərin istirahət və sağlam həyat üçün şəhərin başqa nöqtələrinə getmək ehtiyacını azalda bilər. Ticarət və xidmət sahələrinin kompleks daxilində nəzərdə tutulması isə gündəlik ehtiyacların bir qismini yaşayış yerinə yaxın məsafədə həll etməyə imkan yaradır. Müasir insan üçün bəzən ən böyük komfort məhz vaxtına qənaət edə bilməkdir.

Ailələr üçün yaşayış kompleksinin dəyərini müəyyən edən əsas məsələlərdən biri uşaqların gün ərzində hansı mühitdə böyüməsidir. Green Villa Baku-da uşaqlar üçün oyun məkanları, geniş həyət, velosiped sürmək və açıq havada vaxt keçirmək üçün nəzərdə tutulan sahələr bu baxımdan diqqət çəkir. Futbol, basketbol və tennis üçün ayrılan meydançalar isə həyətin sadəcə binalar arasındakı boş sahə deyil, sakinlərin istifadə edə biləcəyi canlı sosial məkana çevrilməsinə xidmət edir.

Rahatlığın davamlı olması üçün təhlükəsizlik məsələsi də ikinci plana keçə bilməz. Kompleksdə mühafizə və videomüşahidə imkanlarının nəzərdə tutulması sakinlərin özlərini daha rahat hiss etməsinə hesablanıb. Ərazinin işıqlandırılması, müasir lift sistemləri, internet və kommunikasiya infrastrukturu, eləcə də qaz, su və elektrik təminatı gündəlik həyatın problemsiz davam etməsi üçün vacib olan texniki bazanı tamamlayan elementlərdir.

Mənzil daxilində isə əsas fikir lazımsız sahə itkisini azaltmaq və yaşayış məkanından daha səmərəli istifadə etməkdir. Otaqların işıqlı olması, planlaşdırmanın gündəlik istifadəyə uyğun qurulması və eyvanların mənzilin ümumi rahatlığını tamamlaması xüsusilə uzunmüddətli yaşayış üçün əhəmiyyət daşıyır. Təbii işığın evə daha çox daxil olması həm interyerin görünüşünü dəyişir, həm də mənzildə daha açıq və geniş atmosfer yaradır.

Layihənin adındakı “Green” anlayışını tamamlayan əsas elementlərdən biri kompleks daxilində yaşıllığa ayrılan sahələrdir. Bakı kimi intensiv tikililərin və avtomobil hərəkətinin çox olduğu şəhərdə evin yaxınlığında yaşıllıq, gəzinti və sakit istirahət üçün məkanın olması yaşayış keyfiyyətinə birbaşa təsir göstərir. Günün sonunda avtomobil səsindən uzaqlaşıb həyətə düşmək, uşaqlarla açıq havada vaxt keçirmək və ya sadəcə sakit mühitdə dincəlmək mənzilin kvadratmetri ilə ölçülməyən üstünlüklərdəndir.

Daşınmaz əmlak seçiminə uzunmüddətli baxan insanlar üçün isə yerləşmə və ətraf infrastruktur ayrıca əhəmiyyət daşıyır. Metroya yaxınlıq, nəqliyyat bağlantıları, xidmət obyektlərinin əlçatanlığı və kompleks daxilində yaradılan sosial imkanlar yaşayış əmlakına marağı formalaşdıran mühüm amillərdir. Bu xüsusiyyətlər Green Villa Baku-nu həm şəxsi yaşayış üçün ev axtaranların, həm də daşınmaz əmlakı uzunmüddətli perspektivdən qiymətləndirənlərin nəzərdən keçirə biləcəyi layihələr sırasına daxil edir.

Green Villa Baku-nun təqdim etdiyi yanaşmanın əsas fərqi mənzillə həyat mühitini bir-birindən ayırmamasıdır. Burada evin qapısından çıxdıqdan sonra başlayan həyət, idman və istirahət məkanları, uşaqlar üçün ayrılmış sahələr, təhlükəsizlik və şəhərlə rahat nəqliyyat bağlantısı vahid konsepsiyanın hissələri kimi düşünülüb. Nəticədə ortaya yalnız yaşamaq üçün ünvan deyil, səhərindən axşamına qədər gündəlik həyatı daha rahat təşkil etməyə hesablanmış bir məkan çıxır. Çünki yaxşı ev dörd divarla bitmir – onun rahatlığı qapıdan çölə çıxdığın anda da davam etməlidir.

Bu il “Gənclərlə, gənclər üçün” devizi altında keçirilən “Səyyar Gənclər Xidməti” layihəsi 17-21 avqust tarixlərində Lənkəran gəncləri üçün xidmət göstərəcək. Əsas əhatə dairəsi region gəncləri olan layihənin məqsədi ölkəmizdə uğurla həyata keçirilən dövlət gənclər siyasətinin prioritet istiqamətlərinə uyğun olaraq gənclərin cəmiyyətin müxtəlif sahələrində iştirakçılığının artırılması, yaradıcı potensialının üzə çıxarılması və gənclər üçün mövcud dövlət dəstəyi mexanizmlərinin regionlarda yaşayan gənclərə daha əlçatan olmasını təmin etməkdir.

Layihənin Lənkəranda baş tutan açılış mərasimi Dövlət Himnimizin səsləndirilməsi və torpaqlarımızın ərazi bütövlüyü uğrunda şəhidlik zirvəsinə ucalmış qəhrəmanlarımızın xatirəsinin bir dəqiqəlik sükutla yad edilməsi ilə başlayıb. Rəsmi hissədə Lənkəran Şəhər İcra Hakimiyyətinin İctimai-siyasi və humanitar məsələlər sektorunun müdiri Sehran Alışov və Gənclərin İnkişaf və Karyera Mərkəzinin Baş direktoru Azər Əliyev çıxış edərək layihənin region gəncləri üçün əhəmiyyətini vurğulayıb, bu təşəbbüsün onların intellektual və sosial potensiallarının üzə çıxarılmasında oynadığı rolu xüsusi qeyd ediblər.

Beş günlük zəngin proqram müddətində Lənkəran gəncləri "Vətənpərvərlik", "Təhsil və karyera", "Rəqəmsal düşüncə", "Fiziki aktivlik və sağlamlıq", "Yaradıcı gənclik" və "Əyləncə" zonalarında onlar üçün təşkil olunmuş vörkşoplarda, ustad dərslərində, viktorinalarda və intellektual yarışlarda fəal iştirak edərək həm yeni biliklər əldə edəcək, həm də praktiki bacarıqlarını inkişaf etdirmək imkanı qazanacaqlar.

Eyni zamanda iştirakçılar üçün Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyası, 1 saylı Regional Ekologiya və Təbii Sərvətlər İdarəsinin nümayəndələri tərəfindən maarifləndirici görüşlər və Lənkəran Dövlət Peşə Təhsil Mərkəzi tərəfindən sərgi təşkil edilib. Bununla yanaşı, gənclərin şəxsi və peşəkar inkişafına dəstək məqsədilə müxtəlif istiqamətləri əhatə edən təlimlər təşkil olunub. Peşəkar mütəxəssislərin iştirakı ilə keçirilən təlimlərdə gənclərə ixtisas və peşə seçimi, karyera hədəflərinin müəyyənləşdirilməsi, müasir əmək bazarının tələbləri, süni intellekt texnologiyalarının yaratdığı yeni imkanlar və bu imkanlardan səmərəli istifadə yolları ilə bağlı faydalı məlumatlar təqdim edilib. Gənclər mövzular üzrə interaktiv sessiyalarda fəal iştirak edərək mütəxəssislərlə fikir mübadiləsi aparıb, onları maraqlandıran suallara cavablar alıblar. Günün sonunda proqram çərçivəsində keçirilən fəaliyyətlərdə yüksək fəallıq nümayiş etdirən gənclər mükafatlandırılıblar.

Xatırladaq ki, Azərbaycan Respublikasının Gənclər Fondunun dəstəyi, Gənclərin İnkişaf və Karyera Mərkəzi və “Gənc Könüllülər” İctimai Birliyinin təşkilatçılığı həyata keçirilən “Səyyar Gənclər Xidməti” layihəsi noyabr ayınadək ümumilikdə 20 şəhər və rayonu əhatə edəcək.

Biz hal-hazırda Abşeron rayonunda AAF park kimi tanınan şəhərcikdəyik. Bildiyiniz kimi son günlər iddia olunur ki, gördüyünüz bu tikinti sayılır. Bu tikintinin üstündə gördüyünüz bu ev isə İlkin adlı şəxsə məxsusdur. O iddia edir ki, “Mənim evimin altını qazaraq, qanunsuz obyekt tikilir.”
Bununla bağlı, bir redaksiya olaraq araşdırmalara başladıq. Məlum oldu ki, bu binanın bütün obyektlərinin sənədləri olduğu kimi bu obyektin də sənədləri var.
Əlimizdə gördüyünüz bu sənədlər isə bu obyektə aiddir.
Və bu sənədlərin olması rayon tərəfindən bilinir. O cümlədən, binanın komendatı da bu obyektin sənədinin olmasını təsdiqləyir.
Şikayətçi isə bildirir ki, “Evin zirzəmisi qanunsuz şəkildə qazılır və obyekt tikilir.”
Yerindəcə araşdırmaq apardıq: qanunsuz heç bir hal aşkarlanmadı. Binanın digər obyektlərində olduğu kimi bu obyektində sənədləri var. Və kağız üzərində qanuni təsdiqini tapıb. Onu da bildirmək istəyirik ki İlkin adlı şəxsin dediyi sözlər bir mənalı qərəzlidir. Heç bir sübutu təsdiqi tapılmadı.
Həmçinin iddialara görə bu mənzil heç İlkin adlı şəxsə məxsus deyil. Ev repetitor müəllimə icarəyə verilmiş və bu evdə şagird hazırlaşdırılır.
Bu anda ağlıma belə bir məsəl gəldi: “vətənə sevgi dövlətə vergi”. Həm icarəyə verən şəxs, həmdə uşaq hazırlayan repetitorlar dövlət vergisindən yayınırlar.
Vergilər Nazirliyi bu işə necə baxır?

Heqiqxeber.az

Qaradağ Rayon Mənzil-Kommunal Təsərrüfatı Birliyinin rəisi Namizəd İsmayılov uzun illərdir ki, bu sahədə qazandığı peşəkar təcrübə, idarəçilik bacarığı və vətəndaşlara xidmət prinsipləri ilə tanınır. Onun rəhbərliyi ilə görülən işlər Qaradağın ümumi mənzərəsini gözəlləşdirməklə yanaşı, insanların rahat yaşayışına da xidmət edir. Namizəd İsmayılov üçün bu vəzifə yalnız idarəçilik işi deyil, həm də böyük bir məsuliyyət – sakinlərə təmiz, abad və müasir infrastrukturla təmin olunmuş bir mühit bəxş etməkdir.

Təmizlik və sanitar xidmətlərin yüksəldilməsi onun fəaliyyətinin əsas istiqamətlərindən biridir. Qaradağ rayonunda küçə və prospektlərin mütəmadi təmizlənməsi, məişət tullantılarının vaxtında daşınması, kanalizasiya və su xətlərində yaranan nasazlıqların tez bir zamanda aradan qaldırılması birliyin işinin nümunəvi şəkildə təşkil edildiyini göstərir. Həyata keçirilən sanitar-gigiyenik tədbirlər isə həm sakinlərin sağlamlığına, həm də ekoloji tarazlığın qorunmasına xidmət edir.

Abadlıq və yaşıllaşdırma işləri də daim diqqət mərkəzindədir. Namizəd İsmayılovun təşəbbüsləri ilə Qaradağ rayonunda yeni park və istirahət guşələri salınır, mövcud yaşıllıqların qorunması və genişləndirilməsi üçün mütəmadi tədbirlər görülür. Küçə və prospektlərin işıqlandırılması, yol kənarlarının abadlaşdırılması, uşaq oyun meydançalarının yaradılması sakinlərin həyat keyfiyyətini yüksəldir, rayonu daha da cazibədar edir.

Onun idarəçilik fəlsəfəsinin əsas sütunlarından biri də sosial həssaslıqdır. Şəhid ailələri, qazilər və aztəminatlı ailələr daim diqqət mərkəzində saxlanılır, onların problemlərinin həlli istiqamətində addımlar atılır. Namizəd İsmayılov yalnız işgüzar rəhbər deyil, həm də humanist bir şəxsiyyət olaraq tanınır. O, əməkdaşlarının sosial rifahını da daim nəzərə alır, onların iş şəraitinin yaxşılaşdırılmasına xüsusi önəm verir.

Namizəd İsmayılovun rəhbərliyi ilə Qaradağ Rayon Mənzil-Kommunal Təsərrüfatı Birliyi paytaxtın ən dinamik və nümunəvi qurumlarından birinə çevrilib. Onun məqsədyönlü və sistemli fəaliyyəti nəticəsində Qaradağ rayonu həm təmizliyi, həm də abadlığı ilə seçilir.

“Bərdə-Çörək” ASC -nin idarə heyətinin sədri, iqtisadiyyat üzrə fəlsəfə doktoru Məhərrəm Şəfiyev - “Azərbaycan xalqı hər zaman öz milli kimliyi, birliyi, həmrəyliyi ilə örnək, nümunə olub. Tarixin ən çətin dövrlərində belə dünyanın harasında yaşamasından asılı olmayaraq hər bir azərbaycanlı vətən, dövlət, torpaq naminə birlik nümayiş etdirib. Xalqımızın ötən əsrin 80-ci illərindən başlatdığı milli-azadlıq hərəkatı bunun əyani təzahürüdür. Müstəqilliyi bərpa etmək, torpaqlarımızı yadelli işğallardan qorumaq üçün atılan addımlar bu gün tariximizin şanlı səhifələrindən bir kimi yüksək səviyyədə hörmət və ehtiramla qeyd edilir. 1989-cu ilin dekabrından başlanan hərəkat daha sonra özünün xarakterinə görə, azadlıq, müstəqillik mahiyyəti kəsb etməyə başladı. Xalq öz milli kimliyini bir daha ortaya qoydu.”

Məhərrəm Şəfiyev 1990-cı ilin 20 yanvar faciəsi zamanı da xalqımız bütün təhlükələrə, maneələrə, çətinliklərə baxmayaraq şəhidlərimizə böyük sevgi və ehtiramını nümayiş etdirdiyini söylədi: “Həmin hadisələrin səhərisi günü Azərbaycanın Moskvadakı nümayəndəliyinə gələrək Bakıdakı qanlı qırğına öz etirazını bildirən ulu öndər Heydər Əliyev bu hadisələrin dünya ictimaiyyətinə çatdırılmasına misilsiz xidmətlər göstərib. Ulu öndər Heydər Əliyevin o dövr bütün təhlükələrə rəğmən cənab İlham Əliyevlə birlikdə xalqımıza qarşı törədilmiş bu qanlı terror hadisəsinin əsl mahiyyətinin beynəlxalq ictiamiyyətə çatdırılması, günahkarların cəzalanmasını tələb etməsi böyük cəsarət tələb edirdi. O zaman ulu öndər Heydər Əliyevin verdiyi bəyanatlar xalqda böyük qürur hissləri yaratdı. Dünyanın müxtəlif yerlərində yaşayan azərbaycanlılara inam verdi. Vətənə qayıdan ümummilli lider 1991-ci ilin 16 dekabrında Naxçıvan Ali Məclisinin sədri kimi dünya Azərbaycanlılarının birliyini yaratmağın əhəmiyyətini nəzərə alaraq dekabrın 31-ni Dünya Azərbaycanlılarının Həmrəyliyi Günü elan etdi. Ali Məclis bununla bağlı qanunvericilik aktının qəbul olunması üçün ölkə parlamentinə – Azərbaycan Respublikasının Ali Sovetinə müraciət etdi. Dekabrın 25-də Ali Sovetin Milli Şurası müraciəti nəzərə alaraq, dekabrın 31-nin Dünya Azərbaycanlılarının həmrəyliyi günü elan olunması barədə qanun qəbul edib. Bununla da bütün azərbaycanlılar rəsmən bu günü bayram kimi qeyd edir.

Dünya Azərbaycanlılarının Həmrəyliyi Günü Azərbaycan xalqının varlığının, kimliyinin açıq tərənnümü kimi də xarakterizə olunur. Bu bayram dünyanın 70-dən çox ölkəsində yaşayan 50 milyondan artıq azərbaycanlılarla əlaqələr qurmaq, onlar arasında birlik və həmrəylik yaratmaq işində mühüm rol oynayır. Ulu Öndər Heydər Əliyev həmrəylik gününü təsis etməklə xalqın birləşməsinə və ideoloji həmrəyliyinə müvəffəq olub. 2001-ci il noyabrın 9-10-da Bakıda keçirilən Dünya azərbaycanlılarının I Qurultayı soydaşlarımızın milli mənlik şüurunun güclənməsinə, müxtəlif ölkələrdə azərbaycanlı icmalarının mütəşəkkilliyinin və fəallığının artmasına təsir göstərdi. Bu təşəbbüs ölkənin ictimai-siyasi həyatında yeni bir hərəkat, dövlət siyasətinin yeni bir istiqaməti idi. Qurultaydan sonra Ümummilli Lider Heydər Əliyevin 2002-ci il 5 iyul tarixli Fərmanı ilə xaricdəki soydaşlarımızla əlaqələrin genişləndirilməsi və inkişaf etdirilməsi məqsədilə Xarici Ölkələrdə Yaşayan Azərbaycanlılarla İş üzrə Dövlət Komitəsinin (hazırda Diasporla İş üzrə Dövlət Komitəsi) yaradılması, həmin il dekabrın 27-də isə “Xaricdə yaşayan azərbaycanlılarla bağlı dövlət siyasəti haqqında” Qanunun qəbul edilməsi dünya azərbaycanlılarının milli birliyi və təşkilatlanması prosesini daha da gücləndirdi. “Hər bir insan üçün onun milli mənsubiyyəti onun qürur mənbəyidir. Mən həmişə fəxr etmişəm, bu gün də fəxr edirəm ki, mən azərbaycanlıyam!” – Ulu Öndər Heydər Əliyevin bu kəlamları hər bir həmvətənimiz üçün milli qürur rəmzinə çevrilib”.

Prezident İlham Əliyevin “Dünya azərbaycanlılarının II qurultayının keçirilməsi haqqında” 2006-cı il 8 fevral tarixli Sərəncamına uyğun olaraq, həmin il martın 16-da Bakıda keçirilən növbəti mötəbər toplantı xaricdə yaşayan azərbaycanlıların diaspordan lobbiyə çevrilməsi istiqamətində yeni addım olmuş, ölkəmizlə bağlı həqiqətlərin dünya ictimaiyyətinə çatdırılması işində əhəmiyyətli rol oynayıb: “Azərbaycan Diasporuna Dəstək Fondu Azərbaycan diaspor təşkilatlarının fəaliyyətinə dəstək vermək, onların maddi-texniki bazasını möhkəmləndirmək baxımından mühüm əhəmiyyət kəsb edir. Bu məqsədilə Prezident İlham Əliyevin 2018-ci 6 iyul tarixli Fərmanı ilə Diasporla İş üzrə Dövlət Komitəsinin tabeliyində Azərbaycan Diasporuna Dəstək Fondu yaradılıb. Bütün bunlar diaspor fəaliyyətinin daha da təkmilləşdirilməsinə, güclənməsinə təkan verdi. Məhz bunun nəticəsi idi ki, 2020-ci ilin 44 günlük Vətən müharibəsində dünyanın bütün ölkələrində yaşayan azərbaycanlılar da tarixdə görünməmiş dərəcədə fəallıq göstərdilər, daha sıx birləşdilər. Cəbhədən gələn xoş qələbə xəbərləri, ərazilərimizin erməni işğalından azad olunması həmvətənlərimizi daha da ruhlandırdı. Prezident İlham Əliyevin “Mən dünyada yaşayan hər bir azərbaycanlının prezidentiyəm” kəlməsi həmrəyliyimizi daha da möhkəmləndirdi. 2022-ci il Dünya Azərbaycanlılarının Şuşada keçirilmiş V Qurultayında, eləcə də digər rəsmi tədbirlərdə mühüm mesajlar verilib. Qələbədən sonra Azərbaycana, dövlətimizə, xalqımıza qarşı haqsız iddialar, böhtanlar hələ də davam edir. Buna görə də mübarizə davam etməli, xaricdə yaşayan azərbaycanlıların diaspordan lobbiyə çevrilməsi siyasəti daha da gücləndirilməlidir. Harada yaşamasından asılı olmayaraq hər bir Azərbaycanlı, öz ölkəsi, vətəni ilə qürur duyur. İllərdir, 50 milyonluq dünya Azərbaycanlıları “Azərbaycançılıq” ideologiyası ətrafında birləşib. Soydaşlarımızın qarşısında qoyulan əsas vəzifə yaşadıqları ölkələrin ictimai, siyasi, iqtisadi, mədəni həyatında yüksək mövqelər tutmaq, eyni zamanda tarixi Vətənləri ilə əlaqələri kəsməmək idi. Böyük Qələbədən sonra artıq diasporun da vəzifələri dəyişib, yeni reallıqlara uyğunlaşıb. Biz artıq dünya ölkələrində müzəffər xalqın nümayəndələri kimi təmsil olunuruq. Bölgədə yaranan yeni reallıqların dünya birliyi tərəfindən qəbul olunması təbii ki, bizim üstünlüyümüzdür”.

Məhərrəm Şəfiyev Həkəri çayının üzərində 23 aprel 2023-cü il tarixində “Laçın” sərhəd-buraxılış məntəqəsi qurulmasının tarixi hadisə kimi yaddaşımıza həkk olunduğunu söyləyib: “2020-ci ilin 44 günlük Vətən Müharibəsi nəticəsində Azərbaycan ərazilərinin Ermənistan tərəfindəın 30 illik işğalına son qoyuldu. Həmçinin 2023-cü il 19-20 sentyabr tarixlərində bir günlük lokal antiterror tədbirləri ilə Azərbaycan öz ərazisi üzərində suverenliyi tam təmin edildi. Bütün bunlar tariximizin ən parlaq səhifələri kimi xalqımızın yaddaşında əbədi yaşayacaq. Sözsüz ki, 2024-cü il Azərbaycan tarixində olduqca vacib, əlamətdar hadisələrlə zəngin oldu. Azərbaycanın ev sahibliyi etdiyi BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası – COP29 nəinki ölkəmizdə, ümumiyyətlə, dünyada 2024-cü ildə baş tutan ən mötəbər tədbirlərdən biri kimi tarixə düşdü. Bu tədbirin Bakıda keçirilməsi Prezident İlham Əliyevə və dövlətimizə olan inam və etimadın bariz nümunəsidir. “Yaşıl dünya naminə həmrəylik ili”ndə keçirilən COP29 Azərbaycanın indiyədək ev sahibliyi etdiyi ən irimiqyaslı tədbir idi. COP29-da iştirak etmək üçün 196 ölkədən 72 min iştirakçının qeydiyyatdan keçməsi, qonaqların arasında 80 prezidentin, vitse-prezidentin və Baş nazirin olması isə həm dövlətimizə etimadın, həm də onun beynəlxalq arenada oynadığı fəal rolun növbəti təzahürü oldu.

Başa çatmaqda olan 2024-cü ildə Azərbaycan çoxvektorlu xarici siyasətini uğurla davam etdirdi. Bu xüsusda Azərbaycan İqtisadi Əməkdaşlıq Təşkilatına (D-8) üzv qəbul edilməsi növbəti tarixi uğur hesab olunur. Məhz 19 dekabr 2024-cü il tarixində Qahirədə İqtisadi Əməkdaşlıq Təşkilatının (D-8) Zirvə toplantısı zamanı təşkilata üzv qəbul edilməsində Azərbaycanın namizədliyinə göstərilən dəstək səmimi dostluğun və əməkdaşlığın bariz nümunəsidir. Cari ilin ən yaddaqalan hadisələri sırasında, heç şübhəsiz ki, prezident və parlament seçkiləri mühüm yer tutur. Azərbaycanın ərazi bütövlüyü və suverenliyinin tam təmin olunması fonunda baş tutan Zəfər seçkisi yaddaşlara əbədi həkk olundu. 2024-cü ilin fevralın 7-də keçirilən prezident seçkilərində cənab İlham Əliyevin inamlı qələbəsi xalqımızın öz Liderinə etimadının, sevgi və məhəbbətinin növbəti təzahürü oldu. 2024-cü ilin sentyabrın 1-də yeddinci çağırış Azərbaycan Respublikası Milli Məclisinə növbədənkənar seçkilərin keçirilməsi də mühüm tarixi hadisədir. Bu seçkilər Qarabağın və Şərqi Zəngəzurun işğaldan azad edilməsindən sonra ilk parlament seçkiləri kimi şanlı tariximizdə öz yerini tutdu. Beləliklə, Azərbaycanda ilk dəfə prezident və parlament seçkiləri işğaldan azad edilmiş bölgələrimiz daxil olmaqla ölkəmizin bütün ərazilərində keçirildi. Bütün bunlar ölkəmizdə həyata keçirilən uğurlu siyasətin nəticəsində mümkün olub. Əminik ki, Prezident İlham Əliyevin rəhbərliyi ilə Azərbaycan bundan sonra da uğurlu inkişaf konsepsiyasına uyğun olaraq bütün hədəflərinə çatacaq”.

Avqustun 2-də Sabirabad rayon Gənclər Evində “Qayğıya Ehtiyacı və Əlilliyi Olan Şəxslərə Dəstək” İctimai Birliyinin təşkilatçılığı və Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə "Fiziki məhdudiyyətli şəxslərin cəmiyyətə inteqrasiyası" adlı layihənin yekun tədbiri keçirilib.

QHT.az xəbər verir ki, əvvəlcə tədbir iştirakçıları Azərbaycan Respublikasının ərazi bütövlüyü uğrunda canını və qanını fəda etmiş şəhidlərin xatirəsi bir dəqiqəlik sükutla yad edildi. Tədbirdə Sabirabad Rayon İcra Hakimiyyəti başçısının birinci müavini Həsən Həsənov, Azərbaycan Vətən Müharibəsi Veteranları İctimai Birliyi Sabirabad rayon şöbəsinin sədri Faiq Hüseynov, “Qayğıya Ehtiyacı və Əlilliyi Olan Şəxslərə Dəstək” İctimai Birliyinin icraçı drektoru Yasəmən Qəyyumova, Sabirabad rayon Gənclər Evinin direktoru Rəşad Qurbanov, birliyin üzvləri və fiziki məhdudiyyətli şəxslər iştirak ediblər.

Layihə rəhbəri Yasəmən Qəyyumova öncə tədbir iştirakçılarını salamlayıb, daha sonra layihənin məqsədi, ideyası, layihə çərçivəsində görüləcək işlər və layihənin faydaları haqqında geniş məlumat verib. Layihənin məqsədi müxtəlif növ əlillik dərəcəsi alan fiziki məhdudiyyətli şəxslərin cəmiyyətə düzgün istiqamətdə yönləndirilməsi və onların istəklərinə uyğun mövqelərin təmin edilməsində yardımçı olmaqdır.

Tədbirdə iştirak edən Sabirabad Rayon İcra Hakimiyyəti başçısının birinci müavini Həsən Həsənov fiziki məhdudiyyətli şəxslərin bəzi istiqamətlər üzrə qarşıya çıxan problemlərin yaranma səbəbləri haqqında onlara dəstək proqramları çərçivəsində oluna biləcək köməkliklərin vacibliyini vurğulayıb.

Birlik sədri və layihə rəhbəri Yasəmən Qəyyumova müxtəlif növ əlillik dərəcəsi olan tədbir iştirakçılarını ayrı-ayrılıqda dinləyib, cəmiyyətə inteqrasiyası olmaq üçün onların qarşısını alan səbəbləri öyrənmək məqsədilə geniş müzakirələr aparıb. Ortaya çıxan və onların haqlı narazılığına səbəb olan amillər qeydə alınıb.

Tədbirin sonunda iştirakçılar üçün çay və şirniyyat süfrəsi açılıb, xatirə şəkilləri çəkilib.

Fərid Səfərov

''Postmüharibə dövründə şəhid ailəsi üzvləri və müharibə əlilləri, həmçinin müharibə veteranı olan 104 min şəxsə 117 min sosial ödəniş təyin edilib''.

Bunu əmək və əhalinin sosial müdafiəsi nazirinin müavini Anar Əliyev ötən ilin yekunlarına dair həsr olunmuş mətbuat konfransında bildirib.

Onun sözlərinə görə, bu müddət ərzində 4 039 nəfərə əlillik təyinatı aparılıb, 22,3 min şəxsə birdəfəlik ödəmə təyin olunub.
Anar Əliyev deyib ki, 11 min nəfərə 56,3 min reabilitasiya xidməti göstərilib, 460 hərbçi 481 ədəd yüksək texnologiyalı protezlə təmin edilib. 6 min mənzil şəhid ailələri, müharibə əlilləri və həssas təbəqədən olan digər şəxslərə təqdim olunub.

Nazir müavini müharibə veteranları və qazilər üçün verilən müavinətlərin artırıla biləcəyinə də diqqət çəkib.

O, qadınların pensiya yaşının azaldılmasından da danışıb.

Nazir müavini əlavə edib ki, fevral ayında pensiya indeksləşdirilməsi 1 milyon 100 min şəxsə şamil ediləcək. ''Pensiya məbləğinin neçə manat artacağı hələlik məlum deyil. Bu, Dövlət Statistika Komitəsinin təqdim edəcəyi məlumata uyğun olaraq aparılacaq'', - deyə Anar Əliyev əlavə edib.

<embed width="640" height="360" src="https://player.olke.az?v=26064&share_user_id=" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></embed>

Avtomobilini kasko sığorta etdirənlərə bəzi hallarda sığorta təminatı verilməyə bilər.

Xezerxeber.az-ın məlumatına görə, mövzu ilə bağlı danışan sığorta eksperti Vüsal Bədəlov deyib ki, bu məsələ müvafiq qanunla tənzimlənir.

Qanun bəzi hallarda sığortaçıya dəymiş zərərin ödənilməməsi hüququnu verir.
Oxşar yanaşma daşınmaz əmlakın da könüllü sığortasında tətbiq edilir. Burada da mülk sahibi müqavilədə qeyd edilən bəzi hallarda sığorta pulu almaq hüququnu itirir.
Həmçinin kasko sığorta edilən avtomobilə hadisə zamanı dəyərinin 70%-dən çox zərər dəyərsə, daşınmaz əmlak isə hadisə zamanı təmirə yararsız vəziyyətə düşərsə, bu zaman sığorta şirkəti təminat məbləğini tam ödəməlidir.

Ətraflı süjetdə:

<embed width="640" height="360" src="https://player.olke.az?v=25883&share_user_id=" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></embed>

Təsdiq olunmuş yeni Baş Plana əsasən, şəhərin mərkəz hissələrində sıxlığı azaltmaq üçün mərkəzlər və iqtisadi zonalar yaradılacaq.

Qala qəsəbəsində və Xocasən gölü ətrafında dövlət və özəl ali təhsil müəssisələri üçün ümumi bilik mərkəzi salınacaq.

Zirə qəsəbəsində kənd təsərrüfatı və aqrar-sənaye müəssisələrinin işçi qüvvəsi ilə təmin edilməsi üçün peşə təhsili mərkəzi də qurulacaq.
Bəs, bu amil həmin ərazilərdə torpaq sahələri və əmlak bazarındakı qiymətlərə necə təsir göstərəcək?

Ekspertlərin sözünə görə, bəzi müəssisələrin paytaxtın mərkəzindən köçürülməsi həmin ərazilərdəki əmlak qiymətlərinə də təsirsiz ötüşməyəcək.

<embed width="640" height="360" src="https://player.olke.az?v=25852&share_user_id=" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></embed>