''Postmüharibə dövründə şəhid ailəsi üzvləri və müharibə əlilləri, həmçinin müharibə veteranı olan 104 min şəxsə 117 min sosial ödəniş təyin edilib''.

Bunu əmək və əhalinin sosial müdafiəsi nazirinin müavini Anar Əliyev ötən ilin yekunlarına dair həsr olunmuş mətbuat konfransında bildirib.

Onun sözlərinə görə, bu müddət ərzində 4 039 nəfərə əlillik təyinatı aparılıb, 22,3 min şəxsə birdəfəlik ödəmə təyin olunub.
Anar Əliyev deyib ki, 11 min nəfərə 56,3 min reabilitasiya xidməti göstərilib, 460 hərbçi 481 ədəd yüksək texnologiyalı protezlə təmin edilib. 6 min mənzil şəhid ailələri, müharibə əlilləri və həssas təbəqədən olan digər şəxslərə təqdim olunub.

Nazir müavini müharibə veteranları və qazilər üçün verilən müavinətlərin artırıla biləcəyinə də diqqət çəkib.

O, qadınların pensiya yaşının azaldılmasından da danışıb.

Nazir müavini əlavə edib ki, fevral ayında pensiya indeksləşdirilməsi 1 milyon 100 min şəxsə şamil ediləcək. ''Pensiya məbləğinin neçə manat artacağı hələlik məlum deyil. Bu, Dövlət Statistika Komitəsinin təqdim edəcəyi məlumata uyğun olaraq aparılacaq'', - deyə Anar Əliyev əlavə edib.

<embed width="640" height="360" src="https://player.olke.az?v=26064&share_user_id=" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></embed>

Azərbaycan Dövlət Təhlükəsizliyi Xidməti (DTX) transmilli mütəşəkkil cinayətkarlıqla mübarizə istiqamətində əməliyyat-istintaq tədbirlərini davam etdirir.

DTX-nin Mətbuat xidmətindən bildirilib ki, son illər region dövlətləri arasında baş verən proseslərdən sui-istifadə edərək Azərbaycan Respublikasının və digər ölkələrin vətəndaşlarını Ukrayna vətəndaşları adı altında müxtəlif dövlətlərdə yaşaya, sığınacaq ala, vizasız sərbəst hərəkət edə bilmələri üçün qanunsuz yolla Ukrayna dövlətinə aid rəsmi sənədlərlə təmin edən transmilli mütəşəkkil cinayətkar dəstənin əməlləri ifşa olunmuşdur.

Aparılan araşdırmalar zamanı, Ukraynanın Lvov şəhərində yaşamış Nuriyev İbadət Qəhrəman oğlu, Türkiyə Respublikasının İstanbul şəhərində yaşamış Bağırov Fərid Vaqif oğlu və digərlərinin qabaqcadan əlbir olan bir qrup şəxs halında 2023-cü ilin yanvar ayından etibarən ayrı-ayrı şəxslər üçün Ukraynaya məxsus pasport, şəxsiyyət və sürücülük vəsiqələrini, o cümlədən digər sənədləri qeyri-qanuni yolla hazırlayıb, hər birini 30.000 ABŞ dollarınadək müxtəlif məbləğlərdə pul vəsaiti müqabilində satmaları müəyyən edilmişdir.
DTX tərəfindən həyata keçirilmiş tədbirlər nəticəsində həmin şəxslərin saxlanılaraq Azərbaycan Respublikasında istintaqa cəlb edilmələri təmin olunmuş, hüquq verən və vəzifədən azad edən vəsiqə və digər rəsmi sənədləri istifadə etmək məqsədilə qanunsuz hazırlama, bu cür saxta sənədləri satma və digər cinayət əməllərinə görə onlara ittiham elan edilmişdir.

Araşdırmalarla həmçinin müxtəlif dövlətlərdə saxta sənədlərlə hərəkət edən şəxslər müəyyənləşdirilmişdir.

Hazırda qeyd olunan və digər əlaqəli cinayətlərlə bağlı intensiv istintaq-əməliyyat tədbirləri həyata keçirilir.

Avtomobilini kasko sığorta etdirənlərə bəzi hallarda sığorta təminatı verilməyə bilər.

Xezerxeber.az-ın məlumatına görə, mövzu ilə bağlı danışan sığorta eksperti Vüsal Bədəlov deyib ki, bu məsələ müvafiq qanunla tənzimlənir.

Qanun bəzi hallarda sığortaçıya dəymiş zərərin ödənilməməsi hüququnu verir.
Oxşar yanaşma daşınmaz əmlakın da könüllü sığortasında tətbiq edilir. Burada da mülk sahibi müqavilədə qeyd edilən bəzi hallarda sığorta pulu almaq hüququnu itirir.
Həmçinin kasko sığorta edilən avtomobilə hadisə zamanı dəyərinin 70%-dən çox zərər dəyərsə, daşınmaz əmlak isə hadisə zamanı təmirə yararsız vəziyyətə düşərsə, bu zaman sığorta şirkəti təminat məbləğini tam ödəməlidir.

Ətraflı süjetdə:

<embed width="640" height="360" src="https://player.olke.az?v=25883&share_user_id=" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></embed>

Təsdiq olunmuş yeni Baş Plana əsasən, şəhərin mərkəz hissələrində sıxlığı azaltmaq üçün mərkəzlər və iqtisadi zonalar yaradılacaq.

Qala qəsəbəsində və Xocasən gölü ətrafında dövlət və özəl ali təhsil müəssisələri üçün ümumi bilik mərkəzi salınacaq.

Zirə qəsəbəsində kənd təsərrüfatı və aqrar-sənaye müəssisələrinin işçi qüvvəsi ilə təmin edilməsi üçün peşə təhsili mərkəzi də qurulacaq.
Bəs, bu amil həmin ərazilərdə torpaq sahələri və əmlak bazarındakı qiymətlərə necə təsir göstərəcək?

Ekspertlərin sözünə görə, bəzi müəssisələrin paytaxtın mərkəzindən köçürülməsi həmin ərazilərdəki əmlak qiymətlərinə də təsirsiz ötüşməyəcək.

<embed width="640" height="360" src="https://player.olke.az?v=25852&share_user_id=" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></embed>

Son günlər sosial şəbəkələrdə quzu ətinin bahalaşması ilə bağlı məlumatlar yayılır. Ətin bir kiloqramının qiymətinin 20 manat olduğu bildirilib.

Bəs iddialar nə dərəcədə əsaslıdır? Ətin qiyməti bahalaşıbmı?

Satıcılar bildiriblər ki, ətin qiymətində heç bir dəyişiklik yoxdur. Qiymət heyvanın çəkisindən asılıdır. Çəki az olduqda qiymət də yüksəlir. Bu baxımdan bazarda nəinki kilosu 20 manata, hətta 22 manata olan quzu ətinə də rast gəlmək mümkündür.
Lakin belə məhsullar geniş alıcı kütləsi üçün deyil. Onlar sifarişlə satılır.

İqtisadçı Xalid Kərimli hesab edir ki, tələbatın artması səbəbindən bahalaşmanın olması normal haldır:

“Son dövrlər əhalinin sayında artım müşahidə olunur, eyni zamanda da quzu, qoyun, keçi yetişdirilməsi sahəsində say artımı qeydə alınmır. Beləliklə, əhalinin tələbatı artdıqca quzu, keçi ətinin qiymətinin yüksəlməsi paralel şəkildə davam edir. Bahalaşmanın dayanması üçün ya qoyun, keçi yetişdirilməsi çoxalmalıdır və yaxud xaricdən - Gürcüstün, İran, Dağıstandan qoyun ətinin idxalı artmalıdır”.

Bir sözlə, bazarda hər qiymətə ətə rast gəlmək olar. Lakin bu heç də bahalaşma demək deyil. Qiymətin dəyişməsi məhsulun həcmindən və ona olan tələbatdan asılıdır.

Ətraflı Baku TV-nin süjetində:

<embed width="640" height="360" src="https://player.olke.az?v=25758&share_user_id=" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></embed>

2024-cü ilin may ayında Kəlbəcərə ilk köç reallaşa bilər. Rayona əvvəlcə 150 ailənin köçürülməsi nəzərdə tutulur.

Xezerxeber.az xəbərinə görə, Millət Vəkili Aqil Məmmədov bildirib ki, Kəlbəcər şəhəri də daxil olmaqla Zallar, Zar və Yanşaq kəndlərində tikinti işləri davam etdirilir. Məcburi köçkünlərin dövlət proqramında nəzərdə tutulmuş vaxtda doğma yurda qayıtması üçün digər sosial infrastruktur layihələri də icra olunur. Artıq İstisu mineral su doldurma zavodunun da tikintisi yekunlaşmaq üzrədir.

Qaçqınların və Məcburi Köçkünlərin İşləri Üzrə Dövlət Komitəsindən bildirilib ki, Gələn il Xankəndinin qəsəbəsinə və Şuşanın kəndlərinə də köç olacaq.

<embed width="640" height="360" src="https://player.olke.az?v=25722&share_user_id=" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></embed>

Cəlilabadın Sabirabad kənd sakini Sevil İbayeva qızılcadan vəfat edib.

O, ötən il dekabrın sonunda Cəlilabad Rayon Mərkəzi Xəstəxanasının İnfeksion şöbəsinə kəskin halsızlıq, dəridə səpgilər və yüksək hərarət kimi şikayətlərlə daxil olub.

Həkim-infeksionistin müayinəsindən sonra xəstəyə qızılca diaqnozu qoyulub və ambulator müalicəyə yazılıb. Lakin dekabrın 30-da xəstədə kəskin ağırlaşma baş verib və birbaşa reanimasiya şöbəsinə yerləşdirilib. O, təcili qaydada intubasiya olunaraq süni tənəffüs aparatına qoşulub. Həkimlərin səylərinə baxmayaraq, Sevil İbayevanın həyatını xilas etmək mümkün olmayıb.
Qeyd edək ki, mərhum Azərbaycan Dövlət Pedaqoji Universitetinin sonuncu kursunda təhsil alırdı.
Cəlilabad Rayon Mərkəzi Xəstəxanasının həkimi Arzu Cəfərli Baku TV-yə bu barədə açıqlama verib:

<embed width="640" height="360" src="https://player.olke.az?v=25622&share_user_id=" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></embed>

Azərbaycanın tarixi şəxsiyyətlərinin qəbirləri erməni vandalizminə məruz qalıb.

Ermənilər işğal etdikləri digər rayonlarda olduğu kimi, Ağdamda da Azərbaycanın tarixi-mədəni irsinə qarşı görünməmiş vandalizm həyata keçiriblər.

AzTV-nin Ağdamdan hazırladığı süjeti təqdim edirik:

<embed width="640" height="360" src="https://player.olke.az?v=25624&share_user_id=" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></embed>

Ermənistan Baş naziri Nikol Paşinyan daha bir görüntüsü ilə diqqət çəkib.

Məktəbin açılışında iştirak edən hökumət başçısı asılqanları əli ilə yoxlayan zaman o qoparaq yerə düşüb.

Kuryoz hadisədən sonra Paşinyan həmin yeri dərhal tərk etməsi, gülüşlə qarşılanıb.
Onun həm asılqanı qırması, həm də reaksiyası sosial media istifadəçilərinin marağına səbəb olub.

<embed width="640" height="360" src="https://player.olke.az?v=25593&share_user_id=" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></embed>