“Qlobal geosiyasi proseslərin sürətlə dəyişdiyi, informasiya məkanının isə beynəlxalq münasibətlərə birbaşa təsir göstərdiyi müasir dövrdə dövlətlər üçün etibarlı dialoq platformalarının yaradılması xüsusi əhəmiyyət kəsb edir. Bu baxımdan, IV Şuşa Qlobal Media Forumu təkcə jurnalistlərin və media ekspertlərinin sadə bir toplantısı deyil, həm də beynəlxalq fikir mübadiləsinin, qarşılıqlı anlaşmanın və “media diplomatiyası” adlanan yeni mərhələnin ən mühüm qlobal platformalarından biridir. Dünyanın müxtəlif ölkələrindən nüfuzlu media nümayəndələrinin məhz Şuşada bir araya gəlməsi Azərbaycanın qlobal təşəbbüslərinin beynəlxalq müstəvidə artan gücünü və nüfuzunu bir daha əyani şəkildə nümayiş etdirir. Şuşa artıq təkcə tarixi və mədəni irsimizin rəmzi deyil, həm də ölkəmizin beynəlxalq humanitar və siyasi təşəbbüslərinin mühüm mərkəzlərindən birinə çevrilmişdir. Burada keçirilən mötəbər tədbirlər Azərbaycanın işğaldan azad olunmuş ərazilərdə yaratdığı yeni inkişaf modelini dünyaya təqdim edir. Qlobal Media Forumu isə bu prosesə yeni nəfəs və məzmun qazandıraraq, Şuşanı dünya miqyasında qərarların qəbul edilməsi prosesinə təsir göstərən, fərqli ölkələrdə ictimai rəyi formalaşdıran mütəxəssislərin görüş yerinə – beynəlxalq media diplomatiyasının tanınmış ünvanına çevirir.”

Bu fikirləri aia.az-a verdiyi açıqlamada Milli Məclisin Hesablayıcı Komissiyasının sədri, Qara Dəniz İqtisadi Əməkdaşlıq Təşkilatı Parlament Assambleyasının sədr müavini, Azərbaycan Ağsaqqallar Şurasının sədri, iqtisad elmləri doktoru, professor Eldar Quliyev səsləndirib.

Millət vəkili qeyd edib ki, IV Şuşa Qlobal Media Forumunun həm coğrafi miqyası, həm də iştirakçı heyəti onun beynəlxalq statusunu tam təsdiqləyir: “Bu mötəbər Forumda 53 ölkədən 160 qonağın, o cümlədən 30 xəbər agentliyinin nümayəndələrinin, 60-dan artıq media qurumunun və bu sahədə fəaliyyət göstərən 10 beynəlxalq təşkilat və təsisatın təmsil olunması qürurvericidir. Ümumilikdə isə son dörd il ərzində bu platforma 81 ölkənin 600-ə yaxın media nümayəndəsini bir araya gətirməyə nail olmuşdur. Bu cür nəhəng və mötəbər auditoriyanı qəbul etmək, əlbəttə ki, həm Şuşa, həm də bütövlükdə Azərbaycan üçün böyük bir şərəfdir. Prezident İlham Əliyevin vurğuladığı kimi, Forumun əsas ideyası qlobal medianı narahat edən ən mühüm məsələləri, qarşılıqlı narahatlıq doğuran sualları səmimi şəkildə müzakirə etmək, həmçinin Qarabağın əsl reallıqları ilə dünyanı tanış etməkdir. İldən-ilə buraya gələn qonaqlar ilk dövrlərdəki dağıntıların yerində ucalan yeni şəhərləri, müasir infrastruktur layihələrini və öz doğma yurduna qayıdıb yeni mənzillərdə yaşayan insanları görürlər. Şuşa beynəlxalq iştirakçılar arasında elə bir səmimi, mehriban və müsbət mühit yaradır ki, fərqli ölkələrdən gələn jurnalistlər burada yaxın dostlara çevrilirlər. Ən mühüm meyar isə beynəlxalq müstəvidə qərarların qəbul edilməsinə təsir göstərən insanlara Qarabağın öz köklərinə qayıtdığını, bu torpaqların əsl sahiblərinin qayıtmasını və real inkişafı əyani göstərməkdir.”

Fikirlərini davam etdirən professor E.Quliyev bunu da bildirib ki, qonşularla əlaqələrin və Orta Dəhlizin səmərəli gücünün artırılması yönündə aparılan müzakirələr və atılan addımlar xüsusi əhəmiyyət kəsb edir: “Prezident İlham Əliyev birmənalı olaraq hər kəsin diqqətinə çatdırdı ki, müasir dünyada hər hansı bir ölkənin uğurlu tranzit qovşağına çevrilməsi təkcə onun coğrafi mövqeyindən asılı deyil. Qonşularla qarşılıqlı əlaqələr olmadan heç zaman real bir tranzit ölkəsinə çevrilmək mümkün deyildir. Azərbaycan son 10 ildən artıq dövr ərzində öz coğrafi üstünlüklərini çoxtərəfli əməkdaşlıq üçün səmərəli platformaya çevirmək istiqamətində yorulmadan çalışmışdır. İlk olaraq fiziki infrastrukturun qurulması sahəsindəki çatışmazlıqlar aradan qaldırılmış, daha sonra isə bütün istiqamətlərdə qonşu dövlətlərlə etibarlı, mehriban və qarşılıqlı fəaliyyətə əsaslanan əlaqələr qurulmuşdur. Çünki qonşularla münasibətlər düzgün qurulmadıqda heç bir regional layihə uğur qazana bilməz”.

Daha sonra deputat enerji təhlükəsizliyində etibarlı tərəfdaşlığın mühüm rol oynadığını vurğulamış və bu mənada Forumda səsləndirilən fikirlərin aktuallığını önə çəkmişdir: “Bu gün beynəlxalq enerji bazarında etibarlı, proqnozlaşdırıla bilən və alternativ mənbə olan Azərbaycan qazı on il əvvəlkindən daha böyük əhəmiyyət kəsb edir. Xüsusilə Rusiya-Ukrayna müharibəsi başladıqdan sonra Azərbaycan qazına tələbat kəskin şəkildə artmışdır. Dövlət başçısının qeyd etdiyi kimi, Avropa Komissiyasının müraciəti əsasında görülən tədbirlər nəticəsində 2022-ci ildən bəri Avropaya qaz tədarükü 65 faiz artırılmışdır və bu ixracın coğrafiyası Almaniya və Avstriya kimi ölkələrlə daha da genişlənmişdir. Bununla paralel olaraq, bərpaolunan enerji sahəsində nəhəng addımlar atılır. 2032-ci ilədək yaşıl enerji sahəsində 8 giqavat generasiya gücünə çatmaq planlaşdırılır ki, bu da elektrik enerjisi istehsalında istifadə olunan milyardlarla kubmetr qaza qənaət etməyə və həmin həcmləri tamamilə ixraca yönəltməyə imkan verəcəkdir. Təkcə azad edilmiş Qarabağda ümumi gücü 340 meqavat olan su elektrik stansiyaları istifadəyə verilmiş, növbəti bir ildə isə eyni gücdə Günəş elektrik stansiyalarının tikintisi yekunlaşacaqdır. Bu yaşıl enerjinin Avropa bazarına ixracı üçün Qazaxıstan və Özbəkistan ilə birlikdə Xəzər dənizinin dibi ilə xüsusi enerji kabelinin çəkilməsinə dair tarixi müqavilə imzalanmışdır”.

Azərbaycanın xarici tərəfdaşlıq əlaqələrində ABŞ ilə münasibətlərin Tramp Administrasiyası dövründə strateji zirvəyə yüksəlməsini mühüm amil kimi dəyərləndirən MM Komissiya sədri fikrini belə əsaslandırıb: “Prezident Trampın rəhbərliyi ilə Azərbaycan və Ermənistan arasında sülh sazişinin paraflanması və ədalətsiz 907-ci düzəlişin məhdudiyyətlərinin müvəqqəti dayandırılması sülhün qlobal müdafiəçisi olan bir liderin prinsipial mövqeyinin göstəricisidir. Bu gün ABŞ ilə ticarət, rəqəmsal transformasiya, süni intellekt və enerji təhlükəsizliyi istiqamətində işçi qrupları çox səmərəli fəaliyyət göstərir, hərbi sahədəki embarqolar tamamilə aradan qaldırılmışdır. Prezident Trampın adını daşıyan və Naxçıvanla əlaqəni bərpa edəcək TRIPP layihəsi isə bütöv regionun nəqliyyat bağlılığı xəritəsini kökündən dəyişəcəkdir. Əlbəttə ki, Azərbaycanın xarici əlaqələrindən bəhs edərkən qardaş Türkiyə ilə münasibətlər xüsusi qeyd olunmalıdır. Prezident İlham Əliyev bu mövzuda da birmənalı açıqlama verərək bildirdi ki, Türkiyə və Azərbaycan arasındakı münasibətlər Şuşa Bəyannaməsi ilə müttəfiqlik səviyyəsinə qalxmışdır və bu müttəfiqlik dünyada analoqu olmayan sarsılmaz bir qardaşlıq modelidir. Həmçinin Çin Xalq Respublikası ilə imzalanmış strateji tərəfdaşlıq bəyannaməsindən sonra isə ölkəmizdə Çin şirkətlərinin fəallığı xeyli artmışdır. Şəhərimizdə fəaliyyət göstərən BYD elektrik avtobuslarının birgə istehsalı, həmçinin Azərbaycanda Günəş panelləri zavodunun inşası bu əməkdaşlığın real bəhrələridir. Eyni zamanda Özbəkistan və Qazaxıstan kimi qardaş ölkələrlə qurulmuş səmimi əlaqələr də xüsusi qeyd edilməlidir. Füzulidə Özbəkistan tərəfindən inşa edilən Mirzə Uluqbəy adına məktəb, Xankəndidə açılan tikiş fabriki, eləcə də Qazaxıstanın dəstəyi ilə tikilmiş Kurmanqazı adına Uşaq Yaradıcılıq Mərkəzi bu xalqların sarsılmaz birliyinin və Qarabağın yenidən qurulmasına verilən qardaşlıq töhfəsinin rəmzidir”.

Açıqlamasının sonunda deputat insan hüquqları sahəsində Prezident İlham Əliyevin həyata keçirdiyi siyasətin müstəsna əhəmiyyətini vurğulayaraq bunları deyib: “İnsan hüquqları və ədalət məsələləri ümumbəşəri xarakter daşıyır. Azərbaycana qarşı hər fürsətdə qərəz nümayiş etdirən AŞPA kimi təşkilatların ədalətsizliyinə, həmçinin Fransanın dənizaşırı ərazilərində apardığı amansız müstəmləkəçilik siyasətinə qarşı Bakı Təşəbbüs Qrupunun ucaltdığı səs əslində insan hüquqlarının müdafiəsidir. Dövlət başçımızın mötəbər tribunadan göndərdiyi birmənalı mesaj da məhz danılmaz həqiqəti əks etdirir - XXI əsrdə sizdən 10 min kilometr uzaqlıqda yerləşən əraziləri müstəmləkə kimi saxlamaq, oradakı yerli xalqların azadlıq və kimlik hüquqlarını tapdalamaq yolverilməzdir. Azərbaycan özü uzun illər müstəmləkə reallığını yaşadığı üçün bu məsələlərə həssas yanaşır və Yeni Kaledoniya, Polineziya kimi ərazilərin haqlı mübarizəsini prinsipial şəkildə dəstəkləyir. Biz keçmişdə işğal da görmüşük, dağıntılar da görmüşük, lakin milli birliyimiz və dövlətimizin sarsılmaz gücü sayəsində Zəfər qazanmışıq. Bu gün xalq olaraq bizim ən böyük gücümüz özümüzə və dövlətimizə olan inamımızdadır. Dünya sürətlə dəyişir, yeni təhdidlər və təxribat cəhdləri hələ də davam edir. Lakin milli kimliyini, ləyaqətini hər şeydən uca tutan, heç bir işğalçı diktə ilə oturub-durmayan Azərbaycan xalqı hər bir çətinliyin öhdəsindən layiqincə gəlməyə qadirdir. Bizim əsas vəzifəmiz gələcək nəsillərə daha qüdrətli, müstəqil və daim yüksəklərdə qərar tutan bir Azərbaycan miras qoymaqdır” – deyə, Eldar Quliyev fikirlərini tamamlayıb.

“Azərbaycan ilə Slovakiya arasında münasibətlər son illər qarşılıqlı hörmətə, etimada və praqmatik əməkdaşlığa əsaslanan məzmun qazanıb”.

Bu fikirlər Milli Məclisin deputatı Kamaləddin Qafarovun mətbuata açıqlamasında yer alıb.

Onun sözlərinə görə, Şuşada Azərbaycan Prezidenti İlham Əliyev və Slovakiya Prezidenti Peter Pelleqrinin mətbuata bəyanatları bir daha göstərdi ki, iki ölkə arasında siyasi dialoq yeni mərhələyə qədəm qoyur. ”Bu münasibətlərin əsas üstünlüyü ondan ibarətdir ki, əməkdaşlıq yalnız diplomatik təmaslarla məhdudlaşmır, eyni zamanda iqtisadi, enerji, humanitar və regional məsələlər üzrə ortaq maraqlara söykənir. Şuşada keçirilən görüşün özü xüsusi siyasi məna daşıyır. Bu gün Şuşa təkcə Azərbaycanın mədəniyyət paytaxtı deyil, həm də mühüm beynəlxalq təmasların həyata keçirildiyi nüfuzlu platformaya çevrilib. Dost və tərəfdaş ölkələrin dövlət başçılarının məhz bu şəhərdə qəbul edilməsi Azərbaycanın azad olunmuş ərazilərdə yaratdığı yeni reallığın beynəlxalq səviyyədə qəbulunun növbəti ifadəsidir.”

Millət vəkili bildirib ki, Prezident İlham Əliyevin bəyanatında səsləndirilən fikirlər Azərbaycanın xarici siyasətində etibarlı tərəfdaşlıq prinsipinə sadiq qaldığını bir daha nümayiş etdirib: “Slovakiya ilə münasibətlərin inkişafına verilən önəm də məhz bu siyasətin tərkib hissəsidir. Qarşılıqlı səfərlərin intensivləşməsi, müxtəlif sahələr üzrə əlaqələrin genişləndirilməsi və konkret layihələrin həyata keçirilməsi iki ölkənin əməkdaşlığının uzunmüddətli perspektivə hesablandığını göstərir. Beynəlxalq münasibətlər sistemində mürəkkəb geosiyasi proseslərin davam etdiyi bir dövrdə etimada əsaslanan tərəfdaşlıqlar xüsusi əhəmiyyət kəsb edir. Azərbaycan bu baxımdan qarşılıqlı maraqlara söykənən, bərabərhüquqlu əməkdaşlıq modelini uğurla həyata keçirən dövlət kimi diqqət çəkir. Slovakiya ilə münasibətlərin inkişafı da məhz qarşılıqlı hörmət və milli maraqların nəzərə alınması prinsiplərinə əsaslanır ki, bu da əlaqələrin davamlılığını təmin edən əsas amillərdəndir. Şuşadan verilən mesajlar onu da göstərdi ki, Azərbaycan beynəlxalq əməkdaşlığın genişləndirilməsində açıq dialoqa və konstruktiv tərəfdaşlığa üstünlük verir. Prezident İlham Əliyevin vurğuladığı kimi, ölkəmiz müxtəlif istiqamətlərdə əməkdaşlıq üçün əlverişli imkanlar təqdim edir və bu imkanlardan qarşılıqlı fayda əsasında istifadə olunması hər iki tərəfin maraqlarına cavab verir.

Bugünkü reallıq göstərir ki, Azərbaycan–Slovakiya münasibətləri artıq yeni keyfiyyət mərhələsinə yüksəlir. Siyasi dialoqun intensivləşməsi, qarşılıqlı etimadın möhkəmlənməsi və əməkdaşlığın konkret nəticələrə yönəlməsi iki ölkə arasında əlaqələrin gələcək inkişafı üçün möhkəm zəmin yaradır. Şuşada keçirilən görüş isə bu strateji tərəfdaşlığın inkişaf tarixində mühüm mərhələ kimi qiymətləndirilə bilər.”

“Avropa Komissiyasının Prezidenti Ursula Fon der Lyayenin iyulun 1-də ölkəmizə səfəri Azərbaycan-Avropa İttifaqı əməkdaşlığının yeni mərhələyə keçid etməsinin daha bir təsdiqi oldu.”

Bu fikri mətbuata açıqlamasında Milli Məclisin deputatı Kamaləddin Qafarov səsləndirib.

Onun fikrincə, Prezident İlham Əliyevin bu səfər münasibətilə mətbuata verdiyi bəyanat göstərdi ki, Azərbaycan–Avropa İttifaqı əməkdaşlığı artıq yalnız ənənəvi enerji resursları ilə məhdudlaşmır. “Son illər həyata keçirilən məqsədyönlü dövlət siyasəti nəticəsində ölkəmiz “yaşıl enerji” sahəsində də Avropanın mühüm tərəfdaşlarından birinə çevrilməkdədir. Bu isə Azərbaycanın beynəlxalq enerji siyasətində yeni mərhələnin başlanğıcını ifadə edir. Dünya enerji bazarında baş verən dəyişikliklər, iqlim dəyişiklikləri ilə mübarizə və bərpaolunan enerji mənbələrinin inkişafı qlobal gündəliyin əsas istiqamətlərindən birinə çevrilib. Azərbaycan da bu proseslərin fəal iştirakçısı kimi öz enerji strategiyasını zamanın çağırışlarına uyğun şəkildə yeniləyir. Dövlət başçısının bəyanatında səsləndirilən faktlar göstərir ki, ölkəmiz artıq təkcə neft və təbii qaz ixrac edən dövlət deyil, həm də gələcəyin təmiz enerji istehsalçılarından biri olmağa hazırlaşır.”

Millət vəkili bildirib ki, Avropa İttifaqı ilə əməkdaşlığın xüsusi əhəmiyyət daşıması təsadüfi deyil: “Məlumdur ki, Avropa enerji təhlükəsizliyini gücləndirməklə yanaşı, karbon emissiyalarının azaldılması və alternativ enerji mənbələrinin genişləndirilməsi məqsədlərini də prioritet elan edib. Azərbaycanın həyata keçirdiyi layihələr isə məhz bu strateji məqsədlərlə üst-üstə düşür. Mövcud elektrik ötürücü xətlərinin modernləşdirilməsi və yeni enerji marşrutlarının yaradılması ölkəmizi Avropanın enerji keçidində etibarlı tərəfdaşa çevirir. Diqqətçəkən məqamlardan biri də odur ki, Azərbaycan enerji siyasətini yalnız iqtisadi gəlir mənbəyi kimi deyil, həm də beynəlxalq əməkdaşlığın möhkəmləndirilməsi vasitəsi kimi qiymətləndirir. Bu yanaşma ölkəmizin uzun illər ərzində formalaşdırdığı etibarlı tərəfdaş imicini daha da gücləndirir. Təsadüfi deyil ki, Avropa Komissiyasının rəhbərliyi enerji sahəsində əməkdaşlığın yeni istiqamətlərini məhz Bakı ilə müzakirə edir və Azərbaycanın bu sahədəki potensialını yüksək qiymətləndirir. Yaşıl enerji layihələrinin həyata keçirilməsi eyni zamanda Azərbaycanın iqtisadi inkişaf strategiyasının mühüm tərkib hissəsidir. Yeni investisiyaların cəlb olunması, müasir texnologiyaların tətbiqi, yüksək ixtisaslı insan kapitalının formalaşdırılması və enerji ixracının şaxələndirilməsi ölkənin dayanıqlı inkişafına əlavə imkanlar yaradır. Bu proses Qarabağ və Şərqi Zəngəzurda həyata keçirilən “yaşıl enerji zonası” konsepsiyasının reallaşdırılmasına da mühüm töhfə verir”.

Bu gün dəyərli xanım, ətrafındakı insanların hörmət və rəğbətini qazanmış Məhburə Usubovanın doğum günüdür. Bu əlamətdar gün münasibətilə onu ürəkdən təbrik edir, möhkəm can sağlığı, ailə səadəti, uzun ömür və gələcək həyatında yeni uğurlar arzulayırıq.

Məhburə xanım hər zaman öz səmimiyyəti, insanlara olan diqqəti, yüksək mənəvi keyfiyyətləri və xoş münasibəti ilə seçilən insanlardan biri kimi tanınır. Onun ətrafındakı insanlara göstərdiyi qayğı, dostluğa və insani dəyərlərə verdiyi önəm onu tanıyan hər kəs tərəfindən yüksək qiymətləndirilir.

İnsan həyatında qazandığı ən böyük sərvətlərdən biri hörmət və etibardır. Məhburə xanım da öz davranışı, xeyirxahlığı və nəcib xüsusiyyətləri ilə bu hörmət və etimadı qazanmağı bacarmış şəxsiyyətlərdəndir. Onun həyat yolu zəhmətin, səbrin və insanlara sevginin gözəl nümunəsidir.

Doğum günü münasibətilə Kanalim1.com-un və "Məxfi Fikir" qəzetinin təsisçisi Hacı Ruslan Həsənov, həmçinin Hatəm müəllim, Rübabə xanım, Zəmanət müəllim, Arif müəllim, Xeyransa xanım, Aqil Qaraşov və digər həmkarları Məhburə xanımı səmimi qəlbdən təbrik edir, ona həyatının hər anında sevinc, uğur və xoş günlər arzulayırlar.

Arzu edirik ki, Məhburə xanımın ömür yolu hər zaman işıqlı olsun, ailəsində sevgi və huzur hökm sürsün, qarşısına çıxan bütün məqsədlər uğurla gerçəkləşsin. Qəlbindəki xoş niyyətlər, gözəl arzular və insanlara olan sevgisi ona daim xoşbəxtlik gətirsin.

Bu gözəl gündə ona ən dəyərli nemət olan sağlamlıq, yaxınlarının sevgisi, işlərində uğurlar və həyatında saysız-hesabsız sevinclər arzulayırıq.

Doğum gününüz mübarək olsun, hörmətli Məhburə xanım! Yeni yaşınız sizə xoşbəxtlik, sevinc, uğur və unudulmaz gözəl anlar gətirsin!

Qaradağ Rayon İcra Hakimiyyətində Sosial-iqtisadi məsələlər, informasiya təminatı və təhlili sektoru üzrə fəaliyyət göstərən şöbə müdirinin müavini – sektor müdiri Abbasağa Babayev uzun illərdir dövlət qulluğunda məsuliyyətli fəaliyyəti, vətəndaşlara yaxınlığı və rayonun inkişafı naminə göstərdiyi xidmətlərlə seçilən peşəkar idarəçilərdəndir. Onun fəaliyyəti təkcə inzibati vəzifələrin icrası ilə məhdudlaşmır, eyni zamanda rayon sakinlərinin sosial rifahının yüksəldilməsi, dövlət-vətəndaş münasibətlərinin möhkəmləndirilməsi və Prezident cənab İlham Əliyevin müəyyən etdiyi inkişaf strategiyasının yerlərdə uğurla həyata keçirilməsinə xidmət edir.

Abbasağa Babayevin fəaliyyət istiqamətlərindən biri rayonun sosial-iqtisadi vəziyyətinin təhlili, həyata keçirilən layihələrin monitorinqi və vətəndaşların sosial problemlərinin öyrənilməsi ilə bağlıdır. O, daim insanların qayğıları ilə maraqlanır, onların müraciətlərinə həssas yanaşır və qaldırılan məsələlərin həlli istiqamətində aidiyyəti qurumlarla koordinasiyalı şəkildə fəaliyyət göstərir. Qaradağ rayonunda aparılan abadlıq, quruculuq, infrastruktur və sosial layihələrin ictimaiyyətə çatdırılması, görülən işlərin təhlili və nəticələrinin qiymətləndirilməsi sahəsində də onun əməyi xüsusi qeyd olunur.

Rayon sakinləri arasında Abbasağa Babayev daha çox insanlarla ünsiyyət qurmağı bacaran, problemləri diqqətlə dinləyən və həll yolları axtaran dövlət qulluqçusu kimi tanınır. O hesab edir ki, vətəndaş məmnuniyyəti dövlət idarəçiliyinin əsas göstəricilərindən biridir. Məhz buna görə də fəaliyyətində hər zaman insan amilini ön plana çəkir, müraciət edən hər kəsə diqqət və qayğı ilə yanaşmağa çalışır.

Abbasağa Babayev xeyirxah əməlləri ilə də ətrafında hörmət qazanan insanlardandır. O, imkanları daxilində daim aztəminatlı ailələrin problemlərinə həssas yanaşır, xüsusilə bayram günlərində ehtiyac sahibi ailələrin sevincinə şərik olmağa çalışır. İnsanların rifahının yaxşılaşdırılmasına yönəlmiş təşəbbüslərə dəstək verməsi, yardıma ehtiyacı olan vətəndaşlara diqqət göstərməsi onun humanist xarakterinin göstəricisidir. O hesab edir ki, cəmiyyətin gücü insanların bir-birinə dayaq olmasında və sosial həmrəyliyin qorunmasındadır.

Şəhid ailələrinə və qazilərimizə göstərdiyi diqqət və qayğı da onun fəaliyyətinin mühüm istiqamətlərindən biridir. Vətən uğrunda canlarını fəda etmiş qəhrəmanlarımızın ailələrinin problemləri ilə maraqlanmaq, onların yanında olmaq və ehtiyac duyduqları məsələlərin həllinə dəstək vermək onun üçün sadəcə vəzifə deyil, mənəvi məsuliyyətdir. Qazilərimizin sosial rifahının yaxşılaşdırılması, onların müraciətlərinə həssas yanaşılması istiqamətində göstərdiyi münasibət rayon sakinləri tərəfindən də yüksək qiymətləndirilir.

Abbasağa Babayev dövlətçilik prinsiplərinə sadiqliyi ilə seçilən ziyalı dövlət qulluqçularındandır. O, Azərbaycanın müstəqilliyinin, sabitliyinin və inkişafının qorunmasını hər bir vətəndaşın müqəddəs borcu hesab edir. Dövlət maraqlarını hər zaman üstün tutan Abbasağa Babayev Prezident cənab İlham Əliyevin rəhbərliyi ilə ölkəmizdə həyata keçirilən sosial-iqtisadi islahatları yüksək qiymətləndirir və bu siyasətin Qaradağ rayonunda uğurla icrasına öz töhfəsini verməyə çalışır.

Onun fəaliyyətində informasiya təminatı və ictimaiyyətlə əlaqələr məsələləri də xüsusi yer tutur. Rayon ərazisində həyata keçirilən layihələrin, sosial proqramların və dövlət təşəbbüslərinin ictimaiyyətə düzgün və operativ çatdırılması istiqamətində gördüyü işlər insanların dövlət siyasəti barədə daha dolğun məlumat əldə etməsinə şərait yaradır. Bu isə dövlət-vətəndaş münasibətlərinin daha da möhkəmlənməsinə xidmət edir.

Abbasağa Babayev həm peşəkar idarəçilik bacarığı, həm də yüksək insani keyfiyyətləri ilə seçilən şəxslərdəndir. O, fəaliyyətində dürüstlük, məsuliyyət, şəffaflıq və vətəndaşlara xidmət prinsiplərini əsas götürür. Məhz bu xüsusiyyətlər onun həm dövlət qurumlarında, həm də rayon ictimaiyyəti arasında böyük hörmət qazanmasına səbəb olub.

Bu gün Abbasağa Babayev Qaradağ rayonunun sosial-iqtisadi inkişafı, vətəndaş məmnuniyyətinin təmin olunması, şəhid ailələri və qazilərə göstərilən diqqət, aztəminatlı ailələrə dəstək və dövlət siyasətinin uğurla həyata keçirilməsi istiqamətində yorulmadan çalışan nüfuzlu dövlət qulluqçularından biri kimi tanınır. Onun fəaliyyəti dövlətə sədaqətin, xalqa xidmətin və yüksək məsuliyyət hissinin nümunəsi kimi dəyərləndirilir.

Azərbaycanın ən böyük sənaye və energetika mərkəzlərindən biri olan Mingəçevir şəhərində ictimai təhlükəsizliyin qorunması, vətəndaşların rahat və təhlükəsiz həyat şəraitinin təmin olunması xüsusi əhəmiyyət daşıyır. Bu məsuliyyətli və şərəfli vəzifənin həyata keçirilməsində mühüm rolu olan şəxslərdən biri də Mingəçevir Şəhər Polis Şöbəsinin rəisi, polis polkovniki Ədalət Əliyevdir. O, uzun illər hüquq-mühafizə orqanlarında qazandığı təcrübə, yüksək peşəkarlığı və dövlətə sədaqəti ilə həm əməkdaşlarının, həm də şəhər sakinlərinin hörmətini qazanmış rəhbərlərdən biridir.

Ədalət Əliyev polis xidmətini sadəcə vəzifə kimi deyil, dövlətə və xalqa xidmət missiyası kimi qəbul edən insanlardandır. Onun rəhbərliyi altında Mingəçevir Şəhər Polis Şöbəsində ictimai asayişin qorunması, hüquq pozuntularının qarşısının alınması, vətəndaş müraciətlərinə operativ baxılması və təhlükəsizliyin təmin olunması istiqamətində ardıcıl və məqsədyönlü fəaliyyət həyata keçirilir. Şəhər sakinləri arasında hüquq-mühafizə orqanlarına olan etimadın gücləndirilməsi də onun fəaliyyətində xüsusi yer tutur.

Mingəçevir kimi böyük və strateji əhəmiyyət daşıyan şəhərdə asayişin qorunması böyük məsuliyyət tələb edir. Ədalət Əliyev bu məsuliyyətin öhdəsindən peşəkarlıqla gələn rəhbərlərdən biri kimi tanınır. Onun fəaliyyətində qanunun aliliyinə hörmət, vətəndaşların hüquq və azadlıqlarının müdafiəsi, insanların təhlükəsizliyinin təmin olunması əsas prinsiplər kimi qəbul edilir. Bu yanaşma şəhərdə sabitliyin və ictimai əmin-amanlığın qorunmasına mühüm töhfə verir.

Ədalət Əliyevin fəaliyyətində insan amili hər zaman ön planda dayanır. O, vətəndaş müraciətlərinə həssas yanaşan, insanların problemlərini diqqətlə dinləyən və onların qanun çərçivəsində həllinə çalışqan rəhbər kimi tanınır. Polis-vətəndaş münasibətlərinin sağlam əsaslar üzərində qurulmasını vacib hesab edən Ədalət Əliyev daim açıq ünsiyyətə və qarşılıqlı etimada üstünlük verir. Bu xüsusiyyətləri onu şəhər əhalisi arasında hörmət qazanan rəhbərlərdən birinə çevirib.

Peşəkar fəaliyyəti ilə yanaşı, Ədalət Əliyev xeyirxahlığı və humanist münasibəti ilə də seçilir. O, müxtəlif bayram günlərində, xüsusilə Novruz, Ramazan və Qurban bayramlarında aztəminatlı ailələrin problemlərinə diqqət yetirilməsini vacib hesab edir. Ehtiyac sahibi insanların yanında olmaq, onların qayğılarını bölüşmək və cəmiyyətin həssas təbəqələrinə dəstək göstərmək onun həyat prinsiplərindən biridir. İnsanlara yardım etməyi mənəvi borc hesab edən Ədalət Əliyev daim xeyirxah əməlləri ilə rəğbət qazanır.

Vətən uğrunda canlarını fəda etmiş qəhrəmanlarımızın ailələrinə göstərilən diqqət və qayğı da onun fəaliyyətinin mühüm istiqamətlərindən biridir. Şəhid ailələrinin ziyarət olunması, onların problemlərinin dinlənilməsi və ehtiyac duyduqları məqamlarda dəstək göstərilməsi Ədalət Əliyevin daim önəm verdiyi məsələlərdəndir. O, şəhidlərimizin əziz xatirəsinə böyük ehtiramla yanaşır və onların ailələrinin dövlətin diqqət və qayğısını hər zaman hiss etmələrinin vacibliyini vurğulayır.

Qazilərimizə göstərilən hörmət və diqqət də xüsusi qeyd olunmalıdır. Ədalət Əliyev Vətən müharibəsində və digər döyüşlərdə iştirak etmiş qəhrəmanlarımızın xidmətlərini yüksək qiymətləndirir, onların sosial problemlərinin həllinə həssas yanaşılmasını vacib hesab edir. Onun fikrincə, qazilərimizin cəmiyyət içində layiq olduqları dəyəri görməsi hər bir dövlət qurumunun və hər bir vətəndaşın mənəvi borcudur.

Ədalət Əliyev dövlətçilik ənənələrinə sadiq, milli maraqları hər şeydən üstün tutan rəhbərlərdən biridir. O, Azərbaycan dövlətinin güclənməsini, sabitliyin qorunmasını və vətəndaşların rifahının yüksəlməsini ölkənin gələcəyi üçün əsas amillərdən biri hesab edir. Dövlətçiliyə bağlılığı, qanunun aliliyinə hörməti və peşəsinə sədaqəti onun fəaliyyətinin əsas sütunlarını təşkil edir.

Azərbaycan Respublikasının Prezidenti cənab İlham Əliyevin rəhbərliyi ilə ölkədə hüquq-mühafizə orqanlarının maddi-texniki bazasının gücləndirilməsi, polis əməkdaşlarının sosial müdafiəsinin yaxşılaşdırılması və təhlükəsizlik sisteminin müasirləşdirilməsi istiqamətində həyata keçirilən islahatlar Ədalət Əliyev tərəfindən yüksək qiymətləndirilir. O, ölkə başçısının müəyyən etdiyi dövlətçilik kursuna sadiq qalaraq öz fəaliyyətində bu siyasətin uğurla həyata keçirilməsinə töhfə verməyə çalışır.

Bu gün Ədalət Əliyevin rəhbərlik etdiyi Mingəçevir Şəhər Polis Şöbəsi şəhərin təhlükəsizliyinin təmin olunmasında, ictimai asayişin qorunmasında və vətəndaşların hüquqlarının müdafiəsində mühüm rol oynayır. Onun peşəkarlığı, insanlara olan münasibəti, dövlətə sədaqəti və məsuliyyətli fəaliyyəti həm kollektivdə, həm də ictimaiyyət arasında yüksək qiymətləndirilir. Ədalət Əliyev öz fəaliyyəti ilə sübut edir ki, polis xidməti yalnız peşə deyil, həm də xalqa və dövlətə sədaqətlə xidmət etmək missiyasıdır.